Ky ishte farmacisti i Gjilanit para 69 vitesh

Mjeku Shevqet Mehmet, njëri nga kronistët më të mirë të Gjilanit, vazhdon të rikthejë në kujtesën e bashkëvendësve emra të njohur të qytetit nga periudhat pararendëse, siç ka qenë edhe mr.ph. Mahmut Mahmuti.

Ai ishte i lindur më 15 tetor 1925 në Çiflik Mahallë, rruga “Musa Zajmi”, nga babai Hakiu dhe nana Vezirja.

Mahmuti i përkiste një familje intelektuale. Vëllai Kenani dhe motra Kevserja ishin mësues, po ashtu edhe bashkëshortja e tij, Sebahatja.

Gjimnazin e ka kryer në Prizren, kurse fakultetin e Farmacisë në Beograd, në vitin 1953.

Deri në vitin 1964 ka punuar në baranatoren e vetme të Gilanit, pastaj shpërngulet në Prishtinë,ku emërohet drejtor i Barnatoreve të Prishtinës.

Më vonë emërohet drejtor i barnatoreve të integruara të Kosoves, post që e mbanë deri më 1991.

Ishte kryetari i parë i Shoqatës së Farmacistëve të Kosovës.

Djali Denizi dhe bashkëshortja e tij, Sanela, kanë kryer po ashtu fakultetin e farmacisë në Beograd, më 198o.

Mahmut Mahmuti ka vdekur në Prishtinë, më 28.o3.2oo3.

/mediafokus/