62-vjeçari lirohet i pafajshëm pas 43 vjet burgim
Një afrikano-amerikan rreth të gjashtëdhjetave u shpall i pafajshëm dhe është liruar me një vendim gjykate në Misuri, pasi kaloi 43 vjet burgim për shkak të një gabimi gjyqësor.
Në vitin 1979, Kevin Strickland (62), u dënua me burgim të përjetshëm për vrasjen e trefishtë që ai e mohoi.
Asnjë provë materiale nuk e lidhte atë me krimin dhe ai u dënua vetëm në bazë të dëshmisë së një dëshmitareje të mbijetuar e cila më vonë tërhoqi dëshminë e saj, vuri në dukje gjykatësi James Welsh në vendim.
Përveç kësaj, dy nga katër autorët e sulmit të përgjakshëm konfirmuan se ai ishte i
pafajshëm, theksoi gjyqtari. “Besimi në gjykatë në rastin e dënimit të Strickland është minuar plotësisht,” tha ai, duke urdhëruar “lirimin e menjëhershëm të të burgosurit”.Prokurori i Përgjithshëm i Qarkut Jackson, i cili kërkoi që vendimi të anulohej, e mirëpriti vendimin. “Ky njeri që vuajti aq shumë nga një dështim i pafat i drejtësisë, më në fund ka marrë korrigjim ligjor”, tha Jean Peters Baker./Aleanca.press/
