??? ???????????????? ??????? ? ??????????ë ?ë ??????

 ??? ???????????????? ??????? ? ??????????ë ?ë ??????

Në komunën e Gjilanit sot është përuruar aparati i mamografisë, i cili do të jetë në shërbim të Qendrës kryesore të Mjekësisë Familjare. Mirëpo edhe pse u përurua ky aparat nuk dihet ende se kur do të funksionalizohet, pasi ka mungesë të stafit për të operuar me të.

Qendra kryesore e Mjekësisë Familjare, në Gjilan, tashmë, e ka në dispozicion për herë të parë aparatin e mamografisë, i cili edhe u përurua. Por i njëjti nuk do të hyjë në shërbim të pacientëve menjëherë, pasi që ka mungesë të stafit për ta përdorur atë. Madje për t’i lexuar rezultatet duhet të krijohet marrëveshje me qendrën spitalore të Gjilanit.

“Shpresojmë prej javës së ardhshme do të na vijnë teknike radiologe në mënyrë që t’i kryejnë procedurat e mamografisë dhe gjithashtu do të lidhim kontratë me spitalin regjional, me radiolog në mënyrë që të shikojnë ekzaminimet dhe të sjellin raportet përfundimtare”,tha Arbenita Hajdari, drejtoreshë e QKMF-së, Gjilan.

Megjithatë, drejtoresha e Shëndetësisë në Gjilan, thotë se janë në proces të rekrutimit dhe se shumë shpejt do të zgjidhet ky problem.

“Aktualisht është e vërtetë që kemi mungesë të stafit në kujdesin parësorë shëndetësor, mirëpo jemi në proces të rekrutimit, pra konkursi sapo është mbyllë edhe shumë shpejt do ta bëjmë zgjidhjen. Në ndërkohë, deri atëherë, ne e kemi një infermiere që i kryen shërbimet e tilla radiologjike dhe do ta ushtroj atë funksion”, tha Aurorë Osmani

Jemi munduar për të marrë një prononcim nga spitali i Gjilanit për një bashkëpunim të tillë, mirëpo ka qenë e pamundur.

Qendra e mamografisë pranë QKMF-së, në Gjilan, është paraparë të jetë në shërbim të disa komunave te Anamoravës dhe Luginës së Preshevës./rtk

Të ngjajshme