𝗘𝗹𝗵𝗮𝗺𝗶 𝗦𝗵𝗮𝗯𝗮𝗻𝗶, 𝘀𝗽𝗼𝗿𝘁𝗶𝘀𝘁𝗶 𝗺ë 𝗶 𝗺𝗶𝗿ë 𝗶 𝗚𝗷𝗶𝗹𝗮𝗻𝗶𝘁 𝗽ë𝗿 𝘃𝗶𝘁𝗶𝗻 𝟮𝟬𝟮𝟮
Elhami Shabani, karateist në Klubin e Karatesë Drita nga Gjilani është shpallur sportisti më i mirë i Gjilanit për vitin 2022. Ceremonia e shpalljes të më të mirëve është mbajtur në Sallën e Shkollës së Mesme të Muzikës në Gjilan, shkruan kryelajmi.com
Karateistit Elhami Shabani i është dhënë ky çmim me motivacion për sukseset e arritura në garat vendore dhe ato ndërkombëtare. Ai është fitues i Medaljes së Bronztë në Kampionatin Evropian të Karatesë, Kampion i Kosovës në Karate dhe fitues i shumë turneve të ndryshme në vend, rajon dhe botë. Çmimin e sportistit më të mirë të Gjilanit për vitin 2022 atij ia ka dhënë kryetari i Komunës së Gjilanit, Alban Hyseni./kryelajmi.com/.
