??????? ??????? që është pronar i një spitali privat lë punën në QKUK, thotë se i bënë presion

 ??????? ??????? që është pronar i një spitali privat lë punën në QKUK, thotë se i bënë presion

Kirurgu plastik Adem Kllokoqi i cili është pronar i spitalit privat për kirurgji plastike “Kllokoqi Estetika”, e ka lënë punën në QKUK duke u ankuar për presion.

Kllokoqi në një deklarim për media ka thënë se është detyruar ta lë punën në Klinikën e Kirurgjisë Plastike në QKUK, për shkak të rrethanave dhe presionit në rritje.

“Erdhën rrethanat që s’kam mendu që kam me dhanë dorëheqje, por e vendosa ashtu, ka ardh tu u shtu presioni, edhe unë e vendosa me u largu. Drejtoreshës i kam tregu disa herë, kolegët e dijnë pse unë e kam lanë, deshta mos me kriju më shumë telashe“, ka thënë Kllokoqi për Insajderin.

Sipas raportimit të Insajderit, deri tek dorëheqja e Kllokoqit ka ardhur si pasojë e presionit nga drejtoresha e Klinikës Violeta Zatriqi.

Kllokoqi ka deklaruar se punën e tij do ta vazhdojë në sektorin privat. Ai është pronar me 95 për qind të aksioneve në “KLLOKOQI PLASTIC SURGERY L.L.C.”.

Ndryshe Kllokoqi nuk është i vetmi mjek që e lë punën në QKUK duke kaluar në sektorin privat si pronar spitali. Disa muaj më parë e kishte lënë punën edhe anesteziologu Nehat Baftiu i cili poashtu kaloi në sektorin privat si aksionar në një spital në Ferizaj. Edhe Baftiu ishte shprehur i zhgënjyer me sektorin publik. /Gazeta Shneta/

Të ngjajshme