Pas 46 vitesh kontribut pensionohet mësuesja 𝗥𝗮𝗺𝗶𝘇𝗲 𝗜𝗹𝗮𝘇 𝗕𝗲𝗸𝘁𝗲𝘀𝗵𝗶 në shkollën “Agim Ramadani” në Zhegër

Përmes një njoftimi në faqen zyrtare të shkollës “Agim Ramadani” në Zhegër, bëhet e ditur se është pensionuar mësuesja Ramize Ilaz Bekteshi.

Sipas njoftimit mësohet se ajo ka punuar plotë 46 vjetë në këtë vatër të arsimit. Në ceremoninë zyrtare të urimit të pensionimit, stafi i shkollës ka bërë të ditur se mësuesja Ramize ka qenë ndër të parat mësuese të gjinisë femërore.

Me këtë rast, menaxhmenti i shkollës, gjegjësisht drejtoria e saj, e nderon me mirënjohje të veçantë për kontributin e dhënë në arsim për gati gjysmë shekulli, saktësisht 46 vite.

Nj o f t i m i

Pas 46 vite punë në SHFMU “Agim Ramadani ” pensionohet mësuesja Ramize Ilaz Bekteshi.
Drejtoria dhe stafi i shkollës i uron shëndet, jetë të gjatë e të lumtur. Mësuesja Ramize ka qenë njëra ndër mësueset e para të gjinisë femërore, kështu që Drejtoria e shkollës i ndan Mirënjohje për punën dhe kontributin e saj në edukimin e shumë brezave.
Me respekt,
Drejtoria dhe Stafi i SHFMU “Agim Ramadani”.