Kush është Izet Kallaba?
Izet Kallaba është njëri nga punëtorët aktivë të Artit Muzikor në Gjilan. Ai u lind më 12 mars të vitit 1950 në fshatin Roganë. Në vitin shkollor 1964-1965 mbaroi shkollën fillore në vendlindje. Në vitin shkollor 1965-1966, Izeti me sukses jep provimin pranues dhe regjistrohet në Shkollën e Mesmte të Muzikës “J. Sllavenski” në Prizren, të cilën shkollë e mbaroi me sukses në vitin 1970. Në vitin 1970 punoi në detyrën e mësimdhënësit të Edukatës Muzikore në shkollën e Bresalcit, komuna e Gjilanit. Po kështu, në vitin 1971 regjistrohet në Akademinë e Muzikës, në drejtimin pedagogjik –arstistik në Sarajevë. Studimet i mbaroi me sukses në vitin 1973. Pas shkollimit, Izet Kallaba punoi në disa vende: në Gjimnazin e Kamenicës, e në vitin 1975-1976, mandej e filloi punën e mësimdhënësit në Gjimnazin “Zenel Hajdini” të Gjilanit, ku punoi deri në vitin 1980. Izet Kallaba merret edhe me kompozime muzikore. Jeton dhe vepron në Gjilan.
