Bunjaku: 𝐊𝐮𝐫𝐭𝐢 bëri zhurmë të madhe kur 𝐇𝐨𝐭𝐢 ndau 10 milionë për rrymën në veri, kur u bë vet kryeministër i ndau 100 milionë

Deputetja e LDK-së, Valentina Bunjaku ka thënë se pas vendimit të Supremes për kompensimin e rrymës së paguar në veri, qeveria e Kosovës duhet ta gjejë një modalitet që t’ua kthejë paratë qytetarëve.

Deputetja, duke foluë në emisionin “DPT te Fidan Jupolli” ka kritikuar kryeministrin Albin Kurti, i cili sipas saj, sa ishte në opozitë kritikonte ashpër kur ndaheshin para për serbët në veri.

Ajo ka kujtuar një rast kur Vetëvendosje kishte ngritur akuza të shumta ndaj ish-qeverisë së Avdullah Hotit për ndarjen e 10 milionë eurove për veriun.

Tani, thotë ajo, Kurti ka ndarë mbi 100 milionë euro për serbët e veriut.

“VV

sa ishte në opozitë ka bërë shumë zhurmë për rrymën e serbëve në veri. E di, kur z. Hoti ndau 10 milionë euro, ka bë shumë zhurmë. Tash i dhanë 100 milionë euro. Po ashtu, e kanë license edhe Elektro Serverin dhe nuk është duke funksionu. As nuk po i merret licensa e as që po funksionon”, ka deklaruar ajo gjatë emisionit.

“Qeveria Kurti duhet ta gjejë modalitetin se si t’i kthehen paratë qytetarëve. Janë shumë vite në pyetje”, ka thënë ajo.