𝟯𝟬𝟬 𝗲𝘂𝗿𝗼 𝗴𝗷𝗼𝗯ë 𝗱𝗵𝗲 𝗻𝗱𝗮𝗹𝗶𝗺 𝘃𝗼𝘇𝗶𝘁𝗷𝗲 𝗽ë𝗿 𝘁𝗿𝗲 𝗺𝘂𝗮𝗷 𝗻𝗱𝗮𝗷 𝗻𝗷ë 𝘀𝗵𝗼𝗳𝗲𝗿𝗶 𝗻ë 𝗚𝗷𝗶𝗹𝗮𝗻
Policia e Kosovës ka njoftuar se ka shqiptuar një gjobë në vlerë 300 euro ndaj një shoferi në Pozheran, i cili ka tejkaluar kufizimin e shpejtësisë në zonën ku ishte 50 km/h.
Gjithashtu, Policia thekson se shoferit i është ndaluar drejtimi i automjetit për 3 muaj.
“Drejtoria rajonale e policisë Gjilan, njësiti rajonal i komunikacionit rrugor Gjilan me datën 18.05.2023 në kuadër të zbatimit të planit operativ ‘Siguria në trafikun rrugor’ me qëllim të parandalimit të aksidenteve të trafikut, ka mbajtur pikë kontrolli të automjeteve në fshatin Pozheran. Në këtë pikë të kontrollit ka hasur në një kundërvajtës i cili në zonën ku kufizimi i shpejtësisë së lejuar është pesëdhjetë (50) km/h duke drejtuar mjetin me shpejtësinë njëqind e tri (103) km/h. Të njëjtit i është shqiptuar gjoba në vlerë prej treqind (300) euro dhe masa mbrojtëse e ndalim drejtimit të mjeteve motorike në afat prej tre (3) muaj”, njofton Policia.
Drejtoria Rajonale e Policisë në Gjilan, apelon vozitësit që të i respektojnë normat dhe ligjet e trafikut rrugor.
