𝗩𝗶𝗱𝗵𝗲𝗻 mbi 5 mijë e 800 euro në Qendrën e Regjistrimit Civil në Podujevë
![𝗩𝗶𝗱𝗵𝗲𝗻 mbi 5 mijë e 800 euro në Qendrën e Regjistrimit Civil në Podujevë](https://zerogjasht.com/wp-content/uploads/2023/05/Neutral-Ripped-Paper-Friend-Photo-Collage-20-1-850x560.webp)
Një vjedhje ka ndodhur dje në rrugën “Sali Çitaku” në Podujevë, në Qendrën e Regjistrimit Civil.
Sipas njoftimit të Policisë, persona të panhjohur kanë hapur kasafortën e filialit të postës dhe prej aty kanë vjedhur mbi 5 mijë e 800 euro para të gatshme.
“Është raportuar se në Qendrën e Regjistrimit Civil, persona të panjohur kanë depërtuar me forcë ku kanë hapur kasafortën e filialit të postës dhe prej aty kanë vjedhur 5853.60€ para të gatshme, mbushje të telefonit në vlerë rreth 200€ dhe pulla postare në vlerë rreth 100€, si dhe dy DVR”, thuhet në njoftim.
Nuk raportohet për të arrestuar, teksa rasti vazhdon nën hetime.