𝗩𝗲𝘁𝗮𝗸𝘀𝗶𝗱𝗲𝗻𝘁 𝗻ë 𝗿𝗿𝘂𝗴ë𝗻 𝗚𝗷𝗶𝗹𝗮𝗻-𝗣𝗿𝗶𝘀𝗵𝘁𝗶𝗻ë, 𝗹ë𝗻𝗱𝗼𝗵𝗲𝘁 𝗻𝗷ë 𝗽𝗲𝗿𝘀𝗼𝗻

Një aksident trafiku ka ndodhur në Parallovë të Artanës ku një veturë është rrokullisur.

Aksidentin e ka konfirmuar për Ekonomia Online, zëdhënësi i policisë për rajonin e Gjilanit, Ismet Hashani.

Hashani theksoi se si pasojë e këtij vetaksidenti është lënduar një person, i cili pas marrjes së ndihmës është liruar nga spitali.

“Policia e Kosovës në Gjilan është njoftuar se sot rreth orës njëmbëdhjet ka ndodhë një vet aksident në fshatin Parallovë, në rrugën Gjilan Prishtinë. Njoftohet për një person të lënduar si pasoj e vet aksidentit i cili pas ndihmës së marrë në spital është liru në shpi. Policia e Kosovës njësitet e trafikut rajonal janë duke i hetuar shkaqet e aksidentit”, tha Hashani për EO.