𝗛𝗮𝘇𝗶𝗿𝗶 𝗲 𝗽ë𝗿𝗸𝘂𝗳𝗶𝘇𝗼𝗻 𝗽𝗹𝗮𝗻𝗶𝗻 𝗳𝗿𝗮𝗻𝗸𝗼 – 𝗴𝗷𝗲𝗿𝗺𝗮𝗻 𝘀𝗶 𝗺𝗮𝗿𝗿ë𝘃𝗲𝘀𝗵𝗷𝗲 𝘁ë 𝗽ë𝗿𝗸𝗼𝗵𝘀𝗵𝗺𝗲
Nënkryetari i Lidhjes Demokratike të Kosovës (LDK), Lutfi Haziri, referuar planit franko – gjerman, ka thënë se çdo marrëveshje që nuk e ka njohjen reciproke në qendër është marrëveshje e përkohshme.
Haziri ka kritikuar kryeministrin Albin Kurtin për qasjen e tij “jotransparente” ndaj dialogut me Serbinë.
“Kryeministri Kurti e la debatin e hapur, nuk sqaroj as metodologjinë e as pritjet për marrëeshjen”, ka thënë Haziri.
“Tani jemi në mjegull për sa i përket pritjeve”, vazhdon tutje Haziri ne T7.
Ndër tjerash ai ka thënë se negociatat gjithmonë janë të komplikuara dhe lidhen me terminologji e përmbajtje, për këtë nuk garantoi se marrëveshja mund të arrihet.
Por Haziri thotë se “Serbia gjithmonë ka bërë përpjekje që t’i shmanget njohjes formale”.
E plani franko -gjerman, sip;as Hazirit s’ka karakter obligativ.
“Qëllimi kryesor është se palët në parim pajtohen për pranimin e dokumentit bazë dhe aneks dokument për udhërrëfyesin”, ka thënë Haziri.
