𝗚𝗷𝗶𝗹𝗮𝗻 | 𝗣𝗼𝗹𝗶𝗰𝗶𝗮 𝗸𝗼𝗻𝗳𝗶𝘀𝗸𝗼𝗻 𝟯𝟲 𝗽𝗮𝘁𝗲𝗻𝘁ë 𝘀𝗵𝗼𝗳𝗲𝗿ë 𝗺𝗯𝗿𝗲𝗻𝗱𝗮 𝘀𝗵𝘁𝗮𝘁ë 𝗱𝗶𝘁𝗲

Gjilan, 03 mars 2023 – Drejtoria Rajonale e  Policisë Gjilan, Njësia Rajonale e Komunikacionit Rrugor dhe Stacionet Policore të Drejtorisë Rajonale të Policisë Gjilan gjatë periudhës kohore 24.02.2023-02.03.2023 në vazhdën e implementim i Planeve Operativ ,,Siguria në trafikun rrugor’’ dhe “Sezoni dimëror” kanë realizuar aktivitete në zonën e përgjegjësisë që mbulon shtatë (7) komuna.

Në kuadër të këtyre planeve njësitet e komunitetit nga Stacione Policore të Drejtorisë Rajonale të Gjilanit edhe gjatë kësaj jave kanë mbajtur ligjëratë nëpër shkolla fillore me temën ,,Siguria në trafikun rrugor’’ ku pjesëmarrës në këto ligjërata është një numër i madh i nxënësve të cilët njoftohen me rregullat dhe marri njohurit e duhura për sjelljet në trafik.

Gjatë kësaj periudhe janë shqiptuar njëmijë e dyqind e tridhjetë e një (1231) gjoba për kundërvajtësit të cilët kanë rënë ndesh me ligjin për rregullat e trafikut rrugor.

Po ashtu në kuadër të këtyre planeve janë ndërmarr aktivitete edhe në:

• Hetim i tetë (8) aksidenteve të komunikacionit me dëme materiale,

• Hetim i tetë (8) aksidenteve të komunikacionit me të lënduar,

• Hetim i një (1) aksidenti të komunikacionit me fatalitet,

• Konfiskuar tridhjetë e gjashtë (36) patentë shofer,

Njësitet Policore të Drejtorisë Rajonale të Policisë Gjilan kanë mbajtur dhe vazhdojnë të mbajnë pika të shumta të kontrollit të automjeteve me qëllim të prezencës sa më të madhe në terren dhe parandalimit të aksidenteve të komunikacionit rrugor, me theks të veçantë të aksidenteve me fatalitet.

Drejtoria Rajonale e Policisë në Gjilan, inkurajon mediat dhe qytetarët që për të gjitha kundërvajtjet mund të njoftojnë stacionin më të afërm të Policisë, apo përmes aplikacionit digjital “Lajmëro Policinë’’, E-mail: info@kosovopolice.com dhe numrat kundestarë:192; 0385045047001.