Zbardhet ngjarja në Parallovë: Veç parave, grabitësit ua morën edhe armët punëtorëve të sigurimit që transportonin paratë

 Zbardhet ngjarja në Parallovë: Veç parave, grabitësit ua morën edhe armët punëtorëve të sigurimit që transportonin paratë

Një automjet i një kompanie të sigurimeve që transportonte para të bankave, është sulmuar me armë zjarri të enjten në rrugën Gjilan-Prishtinë.

Mesditën e së enjtes, në fshatin Parallovë të Gjilanit, katër persona kanë ndaluar një automjet të një kompanie sigurimesh, i cili po transportonte para.

Policia e Kosovës ka dhënë detaje shtesë në lidhje me këtë grabitje.

Policia në raportin 24-orësh ka konfirmuar se në këtë grabitje është vjedhur një shumë e parave, mirëpo pa specifikuar se sa.

Po ashtu, policia ka bërë të ditur se grabitësit ua morën edhe armët personelit të sigurimit që gjendeshin në veturë.

Të dyshuarit më vonë kanë djegur veturën e tyre “Opel Zafira”.

“Është raportuar se katër persona të pa njohur duke përdorur armë zjarri të llojit AK/47, kanë grabitur një shumë parash dhe dy armë zjarri, pronë e një kompanie të sigurimit dhe janë larguar në drejtim të panjohur. Të dyshuarit më pas i kanë vënë zjarrin veturës së tyre të llojit Opell Zafira. Njëra armë është gjetur 20metra larg vendit të ngjarjes. Nuk raportohet për të lënduar përderisa rasti vazhdon të hetohet në mënyrë intensive nga njësitet relevante të PK-së”, thuhet në raportin e Policisë.

Të ngjajshme