Vdes në Preshevë themeluesi i kompanisë “Fluidi”
Ka vdekur në Preshevë, në moshën 82-vjeçare, Selajdin Mustafa, themeluesi i kompanisë së njohur “Fluid” nga e cila ‘lindën” brendet RC Cola, Folil, Jaffa, Flexograf dhe të tjera, që sot kanë pushtuar tregun vendor e të jashtëm.
Në një postim të profesorit Ferid Selimi, thuhet se Haxhi Selajdin Mustafa nga Zhunica e Preshevës, ishte njeri punëtor dhe me ide kreative.
Ai ishte themelues i Kompanisë “Fluidi” në Preshevë dhe promotor i zhvillimit të kësaj kompanie, që i parapriu: RC Cola, Metal, Floil, Jaffa, VM, Flexograf etj.
Përndryshe Haxhi Selajdin Mustafa njihej edhe si veprimtar e aktivist i madh i asaj ane.
Ndërkohë që përkundërmoshës që kishte (82 vjeçar) pos angazhimit në Kompaninë “Fluidi” ai udhëhoqi për vite me radhë,
deri në ditët e fundit të jetës së tij Bashkësinë Lokale të Zhunicës dhe ishte ideator e bartës i thuaja të gjitha aktiviteteve që u zhvilluan në atë fshat, e sidomos në zhvillimin e infrastrukturës të fshatit Zhunicë.Ai sot ka përmbyll librin e jetës së tij.
