Vazhdon rivlerësimi i objekteve të mbrojtura në regjionin e Gjilanit

Kanë vazhduar vizitat në terren të objekteve të trashëgimisë kulturore, të cilat janë në mbrojtje të shtetit, qoftë të përkohshme apo përhershme, në tërë regjionin e Gjilanit.

Qendra Rajonale për Trashëgimi Kulturore e Gjilanit, përkatësisht ekipi vlerësues, edhe gjatë kësaj vjeshte, përmes këtyre vizitave po e rivlerëson gjendjen e objekteve, të cilat janë pjesë e Listës së mbrojtur.

Nga ajo që u pa e po shihet, e që po ua sjellim edhe përmes disa pamjeve (fotografive), vërehet dukshëm pasuria e kësaj trashëgime, të cilën ka zënë ta dëmtojë dhëmbi i kohës.