V.d.e.s gruaja më e vjetër në Viti në moshën 108-vjeçare

 V.d.e.s gruaja më e vjetër në Viti në moshën 108-vjeçare

Një grua nga Vitia ka ndërruar jetë në moshën 108-vjeçare, duke qenë kështu gruaja më e vjetër në këtë komunë dhe rrethinë që ka arritur këtë moshë.

Metije Zeneli vdiq dje dhe u varros në fshatin Beguncë të Vitisë, raporton Plus TV.

Sipas disa shënimeve ajo kishte lindur në maj të viti 1913 në fshatin Goden të Vitisë.

Gruaja që jetoi më shumë se një shekull sipas familjarëve kishte pasur shëndet të mirë dhe madje nuk ishte infektuar as nga coronavirusi, sëmundja që u mori jetën më shumë se tre milion njerëzve në gjithë botën.

Ajo ndërroi jetë në shtëpinë e saj pranë familjes, të cilët do ta kujtojnë si një grua që sillej mirë me gjithë të tjerët./PlusTV/

Të ngjajshme