Suedi: Shqiptari “rrëmben” edhe një çmim tjetër të rëndësishëm

 Suedi: Shqiptari “rrëmben” edhe një çmim tjetër të rëndësishëm

Shkrimtari dhe gazetari shqiptar, Diamant Salihu, i cili jeton e vepron në Suedi, u shpërblye edhe me një çmim tjetër, shkruan albinfo.ch.

Diamant Salihu është një shkrimatar dhe gazetar me orgjinë shqiptare dhe aktualisht punon në televizionin publik të Suedisë.

Diamant Salihu kësaj radhe u nderua me çmimin “Bernspriset 2021” për librin e tij “Tills alla dör” (Deri sa të vdesin të gjithë), ku me empati dhe gazetari, pa anuar nga klishetë, përshkruan dhunën dhe jetën e përditshme në një pjesë të pambrojtur të Stokholmit.

Vlen të theksohet se Bernspriset ose Bernsstipendiet është një çmim vjetor që jepet nga PEN-i suedez që nga viti 1966 për një autor, gazetar ose fotograf, i cili “ka dhënë kontribut të çmuar në pasqyrimin e kulturës dhe natyrës së Stokholmit, institucioneve dhe zhvillimit të tij ose jetës së Stokholmit në forma të tjera”.

Kohë më parë, Diamant Salihu ka fituar edhe çmin e njohur “Zëri i vitit 2021”.

*PEN-i suedez është një shoqatë ideale suedeze, e cila mbështet shkrimtarët e kërcnuar ose të burgosur dhe angazhohet për fjalën e lirë dhe solidaritet.

Diamant Salihu ka punuar në gazetën kombëtare suedeze “Expressen” dhe katër vjet në televizionin suedez. Libri i tij i botuar së fundmi është “Tills alla Dor”, me çka edhe u nderua me çmimin e lartpërmendur. /Albinfo.ch

Të ngjajshme