Qytetari Hajrush Halili nga Gjilani falënderon kirurgun e njohur Arbër I. Morina

Hajrush Halili nga Gjilani, ka treguar përmes facebookut të tij si është përkujdesur Dr.Arbër I. Morina gjatë kohës së ndërhyrjes kirurgjikale në spitalin e Gjilanit.

Ky është postimi i tij në rrjetin social të facebook:

Falënderim e mirënjohje

I nderuar Dr. Arbër I. Morina, Kirurg Methabolik, Kirurg i Përgjithshëm-Endoskopist në Spitalin Regjional në Gjilan, dëshiroj të shpreh falënderimin dhe mirënjohjen time më të thellë për gjithë punën e kujdesin që më ofruat gjatë kohës së ndërhyrjes kirurgjikale.

Ju së bashku me ekipin tuaj keni demonstruar profesionalizëm të jashtëzakonshëm dhe përkushtim të pakufishëm ndaj meje dhe më shpëtuat jetën.

Më 6 mars 2024, treguat guxim, profesionalizëm, përkushtim e angazhim, ku arritët që jo vetëm të më shpëtoni jetën por edhe të gëzoj shëndet, duke ndryshuar jetën time për të mirë.

Nëpërmjet aftësive tuaja të mrekullueshme mjekësore, ju keni sjellë shpresë dhe dritë në momentet më të errëta të jetës sime.

Sërish ju falënderoj nga thellësia e zemrës për punën tuaj të shkëlqyer dhe për të gjitha përpjekjet tuaja për të siguruar shëndetin tim.

Të nderuar familjarë, shokë e kolegë, nëse vërtetë nuk mund të bëjmë më tepër për mjekët tanë që po shpëtojnë jetë, së paku t’i duam, nderojmë e rrespektojmë.

Përjetësisht falënderues e mirënjohës!