Policia gjobit një vozitës në Ferizaj në bazë të fotografisë së dërguar nga një qytetar
Policia e Kosovës, përkatësisht drejtoria rajonale në Ferizaj, në bazë të një fotografie të dërguar nga një qytetar e ka gjobitur një vozitës pasi që i njëjti ka bërë tejkalim në vijë të plotë në magjistralen Shtime-Ferizaj, e që me rregullat e komunikacionit një gjë e tillë është e ndaluar.
Tutje, policia bën të ditur se e ka ftuar qytetarin në Njësinë Rajonale të Komunikacionit në Ferizaj dhe i njëjti në tërësi e ka pranuar kundërvajtjen, me çrast është gjobitur në shumë prej 150 euro.
“Me këtë rast, Drejtoria Rajonale e Policisë në Ferizaj, inkurajon qytetarët, si në këtë rast, që tënjoftojnë policinë,
pa hezitim, për kundërvajtjet e ndryshme, që mund të shkaktohen në komunikacionin rrugor”, thuhet në njoftimin e policisë, transmeton Klankosova.tv. Kujtojmë se ky nuk është rasti i vetëm kur Policia e Kosovës ka gjobitur vozitës nga fotografitë e dërguara nga qytetarët. Postimet nga: Lajme
