Plαs sherri në Viti, 28-vjeçari e kërcënon me αrmë të miturin

 Plαs sherri në Viti, 28-vjeçari e kërcënon me αrmë të miturin

Konfliktet në trafik janë goxha të shpeshta në vendin tonë dhe jo rrallëherë eskalojnë në kërcënime serioze e përleshje fizike, për çka nevojitet edhe ndërhyrja e Policisë.

Në shumicën e këtyre rasteve, mollë sherri bëhen shkeljet e rregullave të komunikacionit, duke i shtyrë kështu shoferët të përfshihen në probleme serioze.

Një rast i tillë ka ndodhur mbrëmë në rrugën “Adem Jashari” në Viti, ku një person dyshohet se ka kërcënuar me armë një të mitur.

Sinjali mëson se 16-vjeçari ka kërkuar ndihmën e Policisë, ku ka deklaruar se pas një konflikti verbal në komunikacion, 28-vjeçari ka ekspozuar një armë zjarri dhe e ka kërcënuar.

Si rezultat i denoncimit, i dyshuari është shoqëruar në stacion policor ku ka pranuar të dorëzojë armën që posedonte.

Pas përfundimit të procedurave policore, Prokurori i Shtetit ka urdhëruar që i dyshuari të dërgohet në mbajtje dhe i njëjti do të hetohet për veprat penale ‘Kanosje’ dhe ‘Mbajtje në pronësi, kontroll ose posedim të paautorizuar të armës’.

Të ngjajshme