Për shtatë ditë, 29 aksidente trafiku në Gjilan

Ndërkaq, janë shqiptuar 1 mijë e 444 tiketa gjobitëse, njofton Policia rajonale e Gjilanit.

Gjatë shtatë ditëve, në rajonin e Gjilanit kanë ndodhur dhjetra aksidente trafiku si dhe janë shqiptuar gjobitje në trafik që kanë kaluar shifrën mbi 1 mijë.

Bazuar në statistikat nga Policia e rajonit të Gjilanit, mësohet se për periudhën e përmendur janë shënuar 29 aksidente trafiku, prej tyre 17 me lëndime, kurse 12 prej rasteve vetëm me dëme materiale.

Ndërkaq, kur është fjala për dënimet në trafik, bëhet e ditur nga Policia e Gjilanit se janë shqiptuar 1 mijë e 444 tiketa gjobitëse./ Zerogjasht