Oltion Bilalli vazhdon rrugëtimin e tij me SC Gjilanin deri më 2026

Sport Club Gjilani ka bërë me dije se ka vazhduar kontratën me futbollistin Oltion Bilalli. Marrëveshja ndërmjet palëve është nënshkruar të jetë valide deri në verën e vitit 2026.

“Bilalli, i cili njëherësh është produkt i akademisë së klubit ka vazhduar qëndrimin në ‘shtëpinë’ e tij edhe për dy sezone të radhës, pasi edicioneve të kaluara me shumë sukses. Numri “7” i skuadrës është gjithashtu edhe reprezentues i rregullt i moshave të Përfaqësueses së Kosovës”, thuhet në njoftimin zyrtar.

Zgjatjen e bashkëpunimit me Oltion Bilallin e ka prezantuar drejtori sportiv Ertan Demiri, i cili njëherësh i dëshiroi shumë suksese futbollistit.