Nepotizmi i LVV-së, nipi i Shemsi Sylës emërohet ushtrues detyre i Drejtorit të Infermierisë në Spitalin e Gjilanit

Në Spitalin e Përgjithshëm të Gjilanit është bërë një emërim i ri në një pozitë të rëndësishme udhëheqëse. Kushtrim Syla është caktuar si ushtrues detyre i Drejtorit të Infermierisë, një rol kyç në menaxhimin dhe organizimin e shërbimeve infermierore në këtë institucion shëndetësor.

Emërimi i Sylës ka ngjallur vëmendje jo vetëm për shkak të pozitës së tij të re, por edhe për lidhjet familjare. Kjo pasi që Kushtrim Syla është nipi i Shemsi Sylës, zëvendësministër aktual në Ministrinë e Mbrojtjes.

Ushtruesi i detyrës së Drejtorit të Spitalit të Përgjithshëm të Gjilanit, Afrim Cana, ka thënë se Syla është vendosur në këtë pozitënga menaxhmenti i kaluar.

“Z. Kushtrim Syla është emëruar në këtë pozitë nga menaxhmenti i kaluar pak ditë para emërimit tim. Pa dyshim që ai do të vazhdojë në këtë pozitë derisa të shpallet konkurs i rregullt.” – ka thënë Cana për Gazetën Nacionale.

Kushtrim Syla në llogarinë e tij në Facebook, vazhdimisht ka bërë shpërndarje të postimeve të Shemsi Sylës, duke e mbështetur publikisht atë.