Ky është polici i arrestuar që voziti i dehur dhe u përfshi në aksident
Një zyrtar policor është arrestuar nga Inspektorati Policor i Kosovës, pasi i njëjti dyshohet se ka vozitur veturën në gjendje të dehur dhe më pas është përfshirë në një aksident, raporton Gazeta Sinjali.
Gazeta Sinjali mëson ekskluzivisht se i arrestuar është Srbolub Dakiq.
IPK-ja njofton se zyrtari policor i cili ishte jashtë detyrës zyrtare, është përfshirë në një aksident me automjetin e tij privat dje në fshatin Novosellë të Pejës.
Si pjesë e procedurës administrative hetimore, zyrtari policor është suspenduar nga puna, ndërsa me urdhër të prokurorit është dërguar në mbajtje nën dyshimet se ka kryer veprën penale ‘Ngasja në gjendje të paaftëapo të dehur’.
Postimet nga: Lajme
