Kush ishte Naim Ibrahimi?
Naim Ibrahimi:I lindur më 1.5.1935, në Përlepnicë. Shkollën fillore e përfundoi në vendlindje, ndërsa Progjimnazin në Pejë, pastaj diplomoi në Shkollën Normale dhe në Fakultetin Filozofik-dega e Gjuhës dhe letërsisë angleze, në Prishtinë. Punën së pari e filloi në fshatin Sllubicë, Komuna e Gjilanit, ku punoi 2 vite (nga 1.9.1953,deri në vitin 1955), pastaj u transferua në Pogragjë, nga viti shkollor 1955/56, deri më 1959/60. Në shkollën e vendlindjes, pra në Përlepnicë, punon nga viti shkollor 1960/61, deri në vitin shkollor 1962/63. Nga ky vit, shpërngulet për në Prishtinë, ku punon së pari në Konviktin e nxënësve të Shkollës Normale (Drejtor). Nga viti 1975, punoi në Sekretariatin Krahinor të Arsimit, Shkencës dhe Kulturës të Kosovës. Kishte edhe përvoja jashtë vendit tonë, në hapjen e shkollave shqipe. Nga viti shkollor 1999/2000, deri më 31.8.2004, punoi në Gjimnazin “Xhevdet Doda”, në Prishtinë, si profesor i gjuhës angleze.
