Kush është Artane Rizvanolli?

Artane Rizvanolli e lindur më datë: 07.05.1984,është ligjëruese në Kolegjin Riinvest që nga viti 2007, ajo ka përfunduar studimet Master në Ekonomiks për Analizë Biznesi në Universitetin Staffordshire në Mbretërinë e Bashkuar. Ndërsa në vitin 2012 ka doktoruar në fushën e Ekonomiksit në Universitetin Staffordshire me hulumtimin e fokusuar në lidhjen në mes kapitalit njerëzor dhe investimeve të huaja direkte në ekonomitë evropiane në tranzicion.

Ka përvojë disa vjeçare si hulumtuese dhe këshilltare për analiza dhe politika ekonomike në organizata kosovare dhe ndërkombëtare.

Në Mars të vitit 2021, profesoresha Artane Rizvanolli është emëruar Ministre e Ekonomisë në Republikën e Kosovës.