Kthehet në ritenderim renovimi i Stadiumit të Qytetit në Gjilanit, KRPP jep detaje
Komuna e Gjilanit edhe njëherë ka hapur tenderin për renovimin e stadiumit të qytetit, ka njoftuar Komisioni Rregullativ i Prokurorimit Publik, raporton Gazeta “Enigma”.
KRPP tutje ka njoftuar se është bërë ritenderimi dhe afati për aplikim në këtë tender mbyllet me 14.03.2024 në 14:30:00 ora.
Ky projekt kap vlerën 15 milionë euro, dhe është bashkëfinancim i Komunës së Gjilanit dhe Ministrisë së Kulturës.
“Qëllimi i këtij Memorandumi të Bashkëpunimit ( MB ) është mbështetja financiare për projektin në fjalë, i cili si pjesë e Planit 5-vjeçar të infrastrukturës së futbollit, do të implementohet dhe funksionalizohet gjatë viteve 2023-2028”, thuhet në njoftim.
“Në bazë tëMemorandumit midis Komunës së Gjilanit dhe MKRS-së me nr.
prot.4894/2023 zhvillohet aktiviteti i prokurimit pasi është mbështetje financiare për projektin në fjalë. Afatet kohore për fillimin dhe/ose përfundimin e kontratës: në 24 muaj”, thuhet në njoftimin e KRPP-së. Postimet nga: Lajme
