Kryetari i Gjilanit, Alban Hyseni, kërkon nga Ministri Krasniqi shpërbërjen e Kuvendit Komunal

Kryetari i Komunës së Gjilanit, Alban Hyseni, i është drejtuar me një letër Ministrit të Administrimit të Pushtetit Lokal, Elbert Krasniqi, ku ka kërkuar shpërbërjen e Kuvendit Komunal.

Në letrën e tij, Hyseni ka theksuar se afatet ligjore për votimin e buxhetit tashmë kanë kaluar dhe Kuvendi Komunal nuk ka arritur të përmbushë detyrat e tij ligjore.

Duke u bazuar në Ligjin për Vetëqeverisje Lokale, neni 50, pika c, ai ka kërkuar nga ministri që të fillojë procedurën për shpërbërjen e Kuvendit.