Kryetari i degës së AAK-së në Gjilan, Nazim Gagica takoi veteranen e arsimit Makfire Uzunaliç
Bashkë me kolegen time Vjollcën, patëm kënaqësinë të takojmë veteranen e arsimit në Gjilan, profesoreshën që nga viti 1974, drejtoreshën e parë e institucionit parashkollor, ish-koordinatoren e Shoqatës së Pensionistëve për Regjionin e Anamoravës, Makfire Uzunaliç.
Profesoresha Makfire ishte aktiviste dhe veprimtare politike e cila ka dhënë kontribut të jashtëzakonshëm në fuqizimin e rolit të gruas sikur shumë aktiviste e veprimtare tjera të Komunës së Gjilanit.
Takimet e tilla dhe këshillat që marrim nga këto figura të çmuara, jo që na motivojnë por edhe na shërbejnë si udhërrëfyes i yni e i brezave që vijnë pas.
Janë të rrallë njerëzit si profesoresha Makfire,e cila pavarësisht sfidave në jetën dhe karrieren e saj,
ajo asnjëherë nuk u dorëzua, përkundrazi, sfidat ishin motiv për më shumë punë e angazhim për brezat.Faleminderit e mirënjohës përjetë për gjithçka që keni bërë për gjenerata të tëra, për Gjilanin e për Kosovën. Jetofsh gjatë e me shëndet profesoreshë!
