Kryeprokurori i Prokurorisë Themelore Arben Kadriu mban takim me Kryetarin e Gjykatës Themelore dhe Drejtorin Rajonal të Policisë

Kryeprokurori i Prokurorisë Themelore në Gjilan, Arben Kadriu ka mbajtur takim me kryetarin e Gjykatës Themelore në Gjilan, Venhar Salihu dhe drejtorin e Drejtorisë Rajonale të Policisë në Gjilan, Agron Rukiqi.

Në këtë takim ishin të pranishëm edhe zëvendës drejtori i Drejtorisë Rajonale të Gjilanit, z. Remzi Azemi dhe prokurori nga Departamenti për Krime të Rënda, z. Isuf Sadiku.

Qëllimi i këtij takimi ishte diskutimi rreth sigurisë në regjionin e Gjilanit, si dhe koordinimi dhe bashkëpunimi i këtyre institucioneve lidhur me procesin zgjedhor.

Të pranishmit u dakorduan që në bazë të kompetencave të tyre të ndërmarrin të gjitha masat e nevojshme eventuale, nërast të cenimit të procesit zgjedhor.