Kosova dhe iniciativa “OPEN BALKAN”?

 Kosova dhe iniciativa “OPEN BALKAN”?

Shkruan: Hebib Rexhepi

Ballkani, në veçanti tokat shqiptare për fat të mirë dhe shpesh herë edhe për fat të keq ishin dhe janë një zonë e pasur me resurse nga më të ndryshmet, dhe si e tillë edhe një zonë me rëndësi të madhe gjeostrategjike. Kështu që gati gjatë gjithë historisë, Ballkani ishte arenë e luftërave, pushtimeve, përndjekjeve, masakrave nga më të egrat, me mësymje nga jashtë e herë brenda për brenda vetë fqinjëve ballkanik. Në gjithë këtë zallahi, pesha e kryqit na ra shumë më shumë sipër neve shqiptarëve të cilët kaluam nëpër një kalvar si rrall kush.


Thonë se kohërat ndryshojnë, ama gjeostrategjia mbetet thuaja se e njejtë. Për fat, ne shqiptarët kemi kuptuar momentin dhe kemi ndryshuar bashkë me kohën duke kapur dhe shfrytëzuar momentet kyçe për ndërtim dhe forcim tonë si komb.


Fal emanicipimit të vazhdueshëm të mendimit politik shqiptarë, kemi arritur që sot të ngrejmë çështjen tonë në nivelet më të larta, si dhe të çmohemi e vlerësohemi si faktorë paqeje. Kjo dëshmohet me rolin e Shqipërisë sot, pavarësinë e Kosovës, rolin dhe statusin e shqiptarëve në Maqedoninë e Veriut, si dhe të shqiptarëve në Mal të Zi.


E gjitha kjo sigurishtë është rezultat i koordinimit të ngushtë ndërmjet nesh dhe aleatit tonë kryesor SHBA-të.
SHBA-të dhe aleatet tjerë tanë, Ballkanin, në veçanti trojet shqiptare i kanë vendosur në qendër të interesave të tyre gjeostrategjike. Ata janë të interesuar fillimisht për stabilizim të ballkanit (kazanit) që vlon/te nga gjitha ato tmerre që përmendem më lartë.


Një pjesë e vendeve evropiane dhe me gjerë janë kundër këtyre proceseve dhe pengojnë rrugën tonë drejtë integrimeve evropiane.


Prandaj, për ta nxjerrë sa më të paarsyeshme pengesat që u bëhen vendeve të Ballkanit në rrugën e tyre drejtë integrimeve evropiane, vendet e ballkanit sigurishtë nën kujdesin dhe bekimin e SHBA-ve lansuan iniciativën “Ballkani i Hapur” e cila me një formë është një miniaturë e Bashkimit Evropian që afirmon 4 liritë kryesore të lëvizjes. Pra, iniciativa “Ballkani i Hapur” është një reagim ndaj gjithë injorimit që po u bëhet vendeve të Ballkanit e në veçanti neve shqiptarëve.


Iniciativa ka kryesisht karakter ekonomik, me asnjë organ politik e vendimarrës dhe me përfaqësim të barabartë të të gjitha vendeve Ballkanike. Kjo iniciativë do të zhvillohet mbi marrëveshje me dakordim vullnetar të të gjithë vendeve anëtare. Ajo ka përqëllim të ofrojë një shansë vendeve dhe popujve të Ballkanit për zhvillim ekonomik, duke ndërlidhë ekonomitë e tyre ndërmjet vete dhe duke ofru potencialet e tyre, vendeve dhe ekonomive tjera me qëllim përfitimi të ndërjsellë.


Kjo përndryshe është një përpjekje për të ndërtuar një të ardhme përmes zhvillimit ekonomik më prosperues, duke mos harruar të kaluarën, por duke e tejkaluar atë me zhvillim dhe emancipim. Kjo po shihet që në fillim me ofrimin e një varg projektesh ekonomike të rëndësishme jo vetëm për vendet e Ballkanit por edhe më gjerë si: porti i Durrësit, korridoret e ndryshme të qarkullimit rrugorë, hekurudhorë e ajrorë, korridoreve të furnizimit me gaz dhe energji nga burime dhe partner të sigurt.
Kjo iniciativë mbështetet politikisht dhe ekonomikisht nga SHBA-të dhe aletatët tjerë, duke e shoqëruar atë edhe me garanci të fuqishme të sigurisë si psh, baza ajrore e Kuqovës, baza detare e NATO-s në portin e Durrësit, praninë e NATO-s në Ballkan e në veçanti në trojet shqiptare. Shumica e vendeve të Ballkanit janë pjesë e NATO-s, kurse Shqipëria, po dhe Kosova kanë raporte speciale me NATO-n e në veçanti me SHBA-të.


Fundja iniciativa si e tillë ka karakter të përkohshëm gjerë në anëtarësimin dhe integrimin e gjithë Ballkanit në Bashkimin Evropian, dhe do të përdorë të njejtat praktika e modele të komunikimit si të BE. Kjo me një formë do ti trajnonte dhe përgatiste vendet dhe popujt e Ballkanit për arritjen dhe ndërtimin e standardeve evropiane. Në shumë iniciativa ka shumë syrësh që përfitojnë dhe neve duhet të na interesojnë përfitimet tona.
E gjithë kjo më shtyen të mendoj se kjo iniciativë është në interesin tonë kombëtarë dhe si e tillë duhet të përkrahet.

Të ngjajshme