Hyseni: Në Livoç po bëhen investime të rëndësishme duke përfshirë asfaltimin e rrugëve dhe lidhjen në kanalizim
Investime nga Komuna e Gjilanit, janë duke u realizuar edhe në fshatin Livoç.
Kryetari i Komunës së Gjilanit Alban Hyseni, ka inspektuar punimet të cilat po kryhen në infrastrukturën rrugore të këtij fshati. Pos rregullimit të rrugëve, po bëhet edhe lidhja në kanalizim.
Kryetari tregoi se ndërkohë, në Livoç të Epërm, puna është duke vazhduar me intensitet. Ky është një fshat ku po bëhen investime të rëndësishme, duke përfshirë asfaltimin e rrugëve dhe lidhjen në kanalizim, një problem i madh ibanorëve të këtij fshati.
I pari i Gjilanit, theksoi se derisa, po vazhdon puna për asfaltim të rrugës edhe në Lagjen e Muhaxherëve, që lidh Livoçin e Epërm dhe atë të Poshtëm.
“Projekte të tilla janë një dëshmi e angazhimit tonë për përmirësimin e kushteve të jetesës dhe zhvillimin e qëndrueshëm të komunës sonë”, tha kryetari Alban Hyseni.
Postimet nga: Lajme
