“Hidramorava” i la pa ujë gjatë tërë ditës banorët e lagjes “Dheu i Bardhë” – pasdite njofton se u “dëmtua një gyp”

Që nga paraditja e kësaj të premte e 30 majit, banorët e lagjes “Dheu i Bardhë”, po përballen me reduktime të mëdha të furnizimit me ujë.

Tek pasdite nga “Hidramorava” kanë njoftuar përmes një njoftimi për media se ka një prishje për shkak të një gypi.

Nga “Hidramorava” kanë kërkuar nga qytetarët bashkëpunim dhe mirëkuptim, teksa kanë publikuar edhe një numër të telefonit.

“Defekt në gypin furnizues DN 125 mm, ku si pasojë e defektit kanë mbetur pa furnizim me ujë konsumatorët prej pjesës së trafes e tutje”, thuhet në njoftim.

Po ashtu, thuhet se ekipet teknike të mirëmbajtjes nesër gjatë ditës do tëintervenojnë në sanimin e defektit.