Haradinaj i ashpër: Kosova u përzë nga veriu, vlerësojeni për kënd punon Albin Kurti

Kryetari i AAK-së, Ramush Haradinaj ka mbajtur një konferencë të jashtëzakonshme për media nga sela e partisë rreth zhvillimeve në veri.

Ai ka thënë se Kosova po humb në këtë situatë sepse Serbia me strukturat e veta provokoi dhe arriti t’i nxjerrë institucionet e Kosovës prej veriut.

“Shikoni në çfarë situate jemi tash. Jo vetëm që na kërkohet tërheqja nga vendimi për targat por edhe themelimi i Asociacionit. E kjo është dështim i qeverisë dhe qytetarë të Kosovës velerësojeni vetë se kush është dhe për kënd punon Albin Kurti” ka thënë Haradinaj.