Granit Ismajli dhe Hekuran Krasniqi lansojnë këngën e re dedikuar nënës
Këngëtari nga Gjilani, Granit Ismajli, së bashku me Hekuran Krasniqin, kanë publikuar sot këngën e tyre të re me titullin “Pritëm nënë te dera”. Kjo këngë, e cila është pritur jashtëzakonisht mirë nga publiku, është një dedikim i veçantë për të gjithë ata që kanë përjetuar largimin nga familja dhe atdheu, veçanërisht për diasporën.
Teksti i këngës është shkruar nga Genc Prelvukaj, ndërsa muzika është realizuar nga vetë Granit Ismajli në bashkëpunim me Genc Prelvukaj. Videoklipi është prodhuar nga Blackfish dhe ka sjellë një atmosferë të thellë emocionale, duke theksuar mallin për familjen dhe nënën.
Granit Ismajli ka deklaruar se tematika ekëngës ka të bëjë me gurbetin,
duke i kushtuar një homazh të veçantë njerëzve të diasporës. Ai gjithashtu ka premtuar surpriza të tjera në të ardhmen për dashamirët e tij të muzikës, duke lënë të kuptohet se projektet e ardhshme do të sjellin po aq emocion dhe cilësi.Kënga ka fituar menjëherë vëmendjen e fansave dhe pritet të jetë një nga hitet e këtij viti.
