Gjilan: 35-vjeçari shkoi të votojë pasi u mbyll qendra, kapet me Policinë pasi nuk u lejua
Dita e zgjedhjeve të 9 shkurtit kaloi pa incidente të mëdha, megjithëse disa persona u arrestuan nga Policia, pasi dyshohet se vepruan kundërligjshëm. Një rast i tillë ndodhi në Gjilan, ku Policia ka prangosur një person te një qendër votimi, raporton Gazeta Sinjali.
Sinjali mëson se i dyshuari insistoi që të shfrytëzonte të drejtën e tij për votim pas mbylljes së qendrës dhe shpërfilli urdhrat e Policisë, duke e futur veten në telashe.
Zyrtarët policorë që ndodheshin në shkollën që ishte qendër votimi në rrugën “15 Qershori”, tentuan ta vënë situatën nën kontroll, por vërejtjet e tyre hasën në vesh të shurdhër.
Përpasojë,
i dyshuari është arrestuar dhe shoqëruar në stacion policor dhe pas lirimit, ia ka mësyrë sërish qendrës së votimit, duke tentuar ta sulmojë njërin nga policët.I njëjti përfundoi sërish në stacion dhe me urdhër të Prokurorit të Shtetit, është iniciuar hetimi.
Postimet nga: Lajme
