Fejzi Beqiri fiton titullin ” Doktor i shkencave juridike-penale”
Bujanovcit iu shtua edhe një doktor shkence, e ky është Fejzi Beqiri, i cili mbrojti temën “Trafikimi me organe njerëzore si formë e krimit të organizuar“.
Fejzi Beqiri përmes një shkrimi në facebook, ka treguar se sot pas një pune të gjatë disa vjeçare përmbylli me sukses rrugëtimin e tij akademik, ku mori titullin Doktor Shkence.
Ja postimi i plotë:
Të dashur miq,
Pas punës sistematike disavjeçare shkencore, sot me 09 shkurt 2022 në Fakultetin Juridik pranë Universitetit publik të Mostarit mbrojta disertacionin e doktoratës me titull „Trafikimi me organe njerëzore si formë e krimit të organizuar“, ku mora titullin ” Doktor i shkencave jurdike-penale”
pranë komisionit në përbërje prej: prof.dr. Ivan Zovko – kryetar, prof. dr. Amila Ferhatoviq – mentore si dhe prof.dr. Ivana Stjepanoviq– anëtare.Faleminderit Zotit, familjes time, bashkëshortes dhe të gjithë atyre që me përkrahën gjate këtyre viteve. Ndërtimi zhvillohet me heshtje e qetësi, zhurmën e bën shkatërrimi.
