Erlis Xhemajli, lideri i ri në mesfushën e Dukagjinit

Jo vetëm Hekuran Berisha, por edhe një tjetër yll ka filluar shkëlqimin te Dukagjini i Ismet Munishit.

Erlis Xhemajli është bërë lider në mesfushën e klinasve, ku edhe sot ndaj ish-skuadrës së tij Gjilanit tregoi cilësitë, duke bërë një asistim të mrekullueshëm.

Mesfushori gjilanas bëri një asistim nga gjysma e fushës për Pefqelin i cili me lehtësi realizoi për 0-1.

Klinasit morën tre pikë të arta në Gjilan, pasi fituan ndaj Gjilanit me rezultat 1-2.

Lisi që luan në pozitën e mesfushorit defensivë ka shkëlqyer këtë edicion në Superligë dhe ka marrë besimin e Munishit duke luajtur në secilën ndeshje.

21-vjeçari është djali i legjendësgjilanase Veton Xhemajli dhe e ardhmja e tij duket se është shumë e ndritur.