Dyshohet se u ofroi 20 euro ryshfet policëve te Dheu i Bardhë, arrestohet i dyshuari

Policia e Kosovës ka arrestuar një përson për dhënie ryshfeti në pikën kufitare “Dheu i Bardhë”.

Sipas policisë, ai i kishte ofruar 20 euro zyrtarëve policore në formë ryshfeti.

“Është arrestuar i dyshuari kosovar pasi i njëjti “në hyrje” gjatë kontrollit të dokumentacionit nga zyrtarët policor me qëllim të shmangies nga pagesa e sigurimit të automjetit (me targa të huaja) në BKS, zyrtarëve policor u ka ofruar para të gatshme 20 € në formë ryshfeti”, thuhet në njoftim.

“Me vendim të prokurorit, i dyshuari pas intervistimit është dërguar në mbajtje”, thuhet në raportin 24 orësh të PK-së.