Blerim Shala shpallet pedagogu më i dalluar sportiv
Blerim Shala, profesor i Kulturës Fizike dhe Sportit në Gjimnazin Natyror “Xhavit Ahmeti” është shpallur pedagogu më i dalluar sportiv në Takimin me më të dalluarit për vitin 2024, që e ka organizuar Drejtoria Komunale për Kulturë, Rini dhe Sport në Gjilan.
Të rikujtojmë se profesori Shala këtë vit në kuadër të sportit shkollor me nxënësit e Gjimnazit Natyror “Xhavit Ahmeti” në dy kategori është shpallur kampion në Kosovë. Ai është stolisur me medalje të arta në kategorinë e djemve në volejboll e ngjashëm me të arta është stolisur edhe me ekipin e femrave në pingpong. Ai edhe në garat esivjetme ka ngadhënjyer gati në të gjitha garat rajonale dhe me plot të drejtë pritet që të njëjtin sukses ta përsërit edhe në vitin e ardhshëm.
