Arrestohen tre persona në Gjilan, kapen me drogë dhe armatim

Policia e Kosovës ka arrestuar dy persona në rrugën “Lidhja e Prizrenit” në Gjilan, pasi në veturën e tyre gjatë kontrollit është gjetur një armë me dy fishekë.

Pas arrestimit të tyre, është kontrolluar edhe shtëpia e të dyshuarit të tretë dhe aty janë gjetur një sasi me substancë narkotike, një revole me gas, dy radiolidhje dhe një granatë dore.
Policia ka njoftuar se granata është tërhequr nga njësiti i FSK-së, kurse të dyshuarit pas intervistimit, me aktvendim të prokurorit janë dërguar në mbajtje për 48 orë.

/GazetaSinjali/