Arrestohen pesë shqiptarë në Zvicër, u kapën me 47 kilogramë kokainë

Pesë persona me origjinë shqiptare janë arrestuar të dielën nga Policia Kantonale e Cyrihut në Zvicër, pasi të njëjtit u kapën në flagrancë me një sasi të konsiderueshme të substancës narkotike të llojit kokainë.

Sipas njoftimit të Policisë zvicerane, të dyshuarit janë arrestuar në aeroport, pasi gjatë kontrollit të bagazhit u gjetën 47 kilogramë kokainë.

Aksioni u zhvillua në bashkëpunim me Zyrën Federale të Doganave dhe Sigurisë Kufitare.

Blick raporton se të dyshuarit për shitblerjen e drogës janë të moshave prej 25 deri në 40 vjeç dhe pas intervistimit nga Policia, u përcollën për në Prokurorinë Publike përgjegjëse.