Arrestohen dy burra në Gjilan: Rrahén dhe e mbajtën të mbyllur në lokal një person
Një person ka njoftuar Policinë e Kosovës, se është marrë nga dy të panjohur me dhunë dhe është mbajtur në një lokal ku edhe është ushtruar dhunë fizike ndaj tij.
Sipas policisë viktima kishte marrë edhe tretman mjekësor ndërsa dy të dyshuarit me vendim të prokurorit janë dërguar në mbajtje.
Policia e ka cilësuar rastin si privim i kundërligjshëm i lirisë.
“Ankuesi mashkull kosovar ka raportuar se ndaj tij ishte kryer vepra e lartcekur nga dy të dyshuar të panjohur, ku dyshohet se të njëjtin e kishin mbajtur në një lokal dhe kishin ushtruar dhunë fizike ndaj tij. Viktima kishte pësuar lëndime tëlehta dhe i njëjti kishte pranuar tretman mjekësor. Lidhur me rastin janë identifikuar dhe arrestuar dy të dyshuarit meshkuj kosovarë dhe të njëjtit pas intervistimit me vendim të prokurorit janë dërguar në mbajtje”, thuhet në njoftimin e policisë./Gazeta Infokus
