Ansambli “Gjilani” në manifestimin “Ditët e Agimit 2025”
Ansambli i Këngëve dhe Valleve “Gjilani” pati nderin të jetë pjesë e manifestimit përkujtimor “Ditët e Agimit 2025”, i cili u mbajt sot në Zhegër të Gjilanit. Ky aktivitet tradicional, i cili organizohet çdo vit në nderim të heroit kombëtar Agim Ramadani, mblodhi qindra pjesëmarrës në një atmosferë solemne dhe kulturore.
Në kuadër të tubimit përfundimtar “I këndojmë Agimit”, Ansambli “Gjilani” u paraqit me një program artistik që solli emocione dhe përkujdesje për trashëgiminë tonë kulturore. Në këtë ditë të veçantë, përmes këngës dhe valles, u përçuan mesazhe nderimi dhe respekti për veprën e dëshmorëve të kombit.
Ansambli falënderon Këshillin Organizativ tëmanifestimit për ftesën dhe besimin,
si dhe gjithë pjesëmarrësit për pritjen dhe përkrahjen. Postimet nga: Lajme
