60 euro është dënimi për shoferin shqiptar që nuk kishte vendosur stikers veturës me targa serbe

Policia e Kosovës ka njoftuar se është shqiptuar gjobë ndaj një shoferi me targa të Serbisë, i cili nuk e kishte të vendosur letrën ngjitëse në targa.

I njëjti është dënuar me 60 euro gjobë nga Policia e Kosovës.

“Falë bashkëpunimit mes policisë dhe qytetarëve-mediave, identifikohet vetura me targa të Serbisë që nuk vendos stikersa në targa. Policia pasi lokalizon veturën, drejtuesit të saj i shqipton gjobën përkatëse. Policia edhe një herë falënderon të gjithë ata që bashkëpunojnë me policinë, duke ofruar të dhëna për raste të kundërvajtjeve, por jo vetëm”, thuhet në njoftimin e policisë.

/GazetaSinjali/