𝐀𝐀𝐊-𝐣𝐚 𝐧ë 𝐒𝐁𝐀𝐒𝐇𝐊 – Tahiri thotë se do të angazhohen për miratimin e Ligjit të Pagave

Grupi Parlamentar i Aleancës për Ardhmërinë e Kosovës (AAK) e ka vizituar Sindikatën e Bashkuar të Arsimit, Shkencës dhe Kulturës (SBAShK).

Në takim kanë marrë pjesë shefi i Grupit Besnik Tahiri dhe deputetët Bekë Berisha dhe Albana Bytyqi.Me këtë rast Tahiri tha se do të angazhohet që sa më shpejt të miratohet Ligji i Pagave dhe të merren parasysh kërkesat e sindikatave.

“Grupi ynë është duke bërë një raund diskutimesh me sindikata për ligjin e pagave. Kemi pasur edhe bashkëpunim në draftin e parë dhe ju e keni mbajtur pozicionin e mbrojtjes”, tha ai.

Më pas ata do të takohen edhe me Sindikatëne Pavarur të Administratës së Kosovës dhe Sindikatën e Policisë së Kosovës.